TO the rescue ang self-proclaimed “Pambansang Marites na Lalaki” na si Xian Gaza sa isyung kinasasangkutan ng kaibigang si Ivana Alawi.

Sa kanyang Facebook post ngayong Huwebes, May 29, tinawag niya ang pansin ng asawa ni Cong. Albee na si Nikki Benitez matapos idawit ang pangalan ng Kapamilya actress sa isinampang reklamo laban sa asawa.

Saad ni Xian, “Madam Benitez, hiwalay na po kayo ng mister niyo 2003 pa lang. Bakit po si Ivana ang dinadawit niyo eh 6 years old pa lang po si Ivana noong naghiwalay kayo!”

Giit pa niya, nasisira ang magandamg image ng Kapamilya star dahil nadadawit ito sa isyu.

“An’labo niyo po sa totoo lang. Sinisira niyo pangalan at imahe nung tao,” sey ni Xian.

Matunog ngayon ang pangalan ni Ivana matapos mabanggit ang pangalan sa complaint affidavit para sa kasong Violence Against Women and Their Children na isinampa ni Nikki Benitez laban kay Cong. Albee.

Matatandaang noong 2024 nang pumutok ang isyung diumano’y may relasyon si Ivana at ang kongresista matapos maispatang magkasama sa airport ngunit pinabulaanan naman ng dalawa ang isyu.

Sa hiwalay na post ni Xian, muli ay tinalakan niya ang maybahay ng kongresista dahil marami na raw dumaang babae sa buhay ng kanyang asawa dahil mahigit dalawang dejada na silang hindi nagsasama.

“Ipagpalagay natin na totoong may relasyon sila, bakit siya yung pag-iinitan mo eh napakaraming babaeng dumaan sa asawa mo for the last 21 years ha?

“At dahil nanggigigil ako ngayon, magla-Live ako mamaya. Maghanap na kayo ng kakapitan,” sey pa ni Xian Gaza.

Samantala, wala pa namang pahayag ang Kapamilya actress-vlogger hinggil sa isyung kinasasangkutan.