Rendon Labador at Euleen Castro

DUROG na durog ngayon ang content creator na si Euleen Castro o mas kilala bilang Pambansang Yobab dahil sa kanyang food review sa isang kilalang coffee shop sa Iloilo.

Sandamakmak na netizens ang kumukuyog ngayon sa kanya matapos okrayin at laitin ang mga nilafang ng kanilang tropa sa naturang coffee shop.

Sa isang TikTok video, makikita na umorder si Euleen at ang kanyang mga kasama ng pastries at drinks pero hindi niya raw feel ang lasa ng mga ito.

“Nag-try kami dito sa Coffeebreak. Andami. Out of all of you, all of you (mga inorder na food) walang masarap. Even the drinks. Even the lasagna. Lahat tabang. Ang dami n’yo diyan, walang masarap sa inyo? Ni isa? P*ta,” ang bahagi ng review ni Euleen.

Inalmahan naman ito ng management ng coffee shop, “Thank you for sharing your thoughts Ms. Euleen Castro about your recent visit to Coffeebreak. We appreciate all feedback, as it helps us learn and improve.

“However, we were taken aback by the strong and explicit language used in your review. While we understand that not everyone will share the same taste, we believe that constructive criticism can always be communicated respectfully.

“We’re proud of the word our team puts into creating a positive experience for every guest, and language that crosses the line can be dishearthening—not only to us but to the people who work hard every day to serve our customers.

“And we will remain committed to providing a warm, satisfying experience to every guest—and to continuosuly grow from feedback shared with sincerity and RESPECT,” dagdag pa.

Isa ang kapwa social media personality ni Euleen na si Rendon Labador ang bumuwelta sa kanyang ginawa. Paulit-ulit nitong binanggit ang mga katagang “no to body shaming” sa kanyang Facebook post. Narito ang buong mensahe ni Rebdon.

“PAALALA PO: Hindi ginawa yung ‘NO TO BODY SHAMING’ para maka ligtas po kayo sa mga katangahan ninyo, i-ayon sana natin palagi yung ugali natin sa mga itsura natin.

“Titignan muna ang itsura mo bago pakinggan ang mga sasabihin mo”

“NO TO BODY SHAMING dapat talaga. Kaso ang sampal ng katotohanan dito sa Pinas, bago ka pakinggan ay titignan muna itsura mo. Kaya na bash kasi bago sa socmed yung baboy na nag rereklamo.

“Kumbaga dapat i-ayon sana yung ugali sa itsura. Masisi mo ba yung mga taong nagalit. Kawawa din kasi yung negosyante na may ari ng Coffee Shop, biro mo ang hirap mag tayo at mag survive ng negosyo tapos biglang sisiraan ka lang.

“Okay lang mag negative feedback, pero sana yung feedback na hindi naman up to the point na masisira na image nung business.

“Yung babae kasi laman lang ng tiyan ang problema niya, yung negosyante madaming responsibilidad sa negosyo at mga empleyado niyang umaasa sa negosyo niya.

“NO TO BODY SHAMING pero kung ganyan kasi ugali, hindi worth it ipag laban. Mag gym ka nalang, pakainin kita ng dumbells.

“HUWAG NINYO GAMITING pang laban yung salitang NO TO BODY SHAMING sa mga taong HAYOP ang ugali. Hindi po yan ginawa para maligtas kayo sa katangahan ninyo. #sampalNgKatotohanan,” pahayag pa ni Rendon.